Dul-an sa 500 naisyuhan og citation sa SRP
CEBU, Philippines — Dul-an sa 500 na ang naisyuhan og traffic citation ticket human gipatuman ang kamandoan ni Mayor Raymond Alvin Garcia nga discipline zone sa kadalan diha sa South Road Properties ilabi na dapit sa coastal road.
Ang 20-man team sa SRP Patrol Group matud ni Konsehal Rey Gealon, chairman sa SRP Board nipahigayon og series of operations batok sa mga malapason sa City Ordinance 801 kun “Traffic Code of Cebu City”.
Matud ni Gealon nga sukad gisugdan niadtong Nobiyembre 5 hangtud sa 24, 2025 niabot ngadto sa 479 ka drayber ang naisyuhan og traffic citation ticket ug 43 ang disable vehicle.
Gibutyag ni Gealon nga 64 ka motorsiklo, duha ka 4-wheel vehicle ug tulo ka truck ang gipaubos sa safekeeping tungod sa mga kalapasan ug kakulian.
Nunot niini, niabot ngadto sa 54 ka traffic accident ang narespondehan sa SRP Patrol Group.
Gipahimangnoan ang mga biyahedor nga sigurohon nga roadworthy ang ilang mga sakyanan nga moagi diha sa SRP ug motuman sa lagda aron dili sila maparahan ug madakpan. (BANAT NEWS)
- Latest
