Pulpit panels sa simbahan sa Boljoon hingpit na nga nauli
CEBU, Philippines — Hingpit nang nauli sa Archdiocese of Cebu ang upat ka pulpit panels sa Archdiocesan Shrine of Patrocinio de Maria Santisima Parish sa Lungsod sa Boljoon kagahapon.
Ang National Museum of the Philippines uban ang stake holder officials nga ni-turnover sa pulpit panel nga gitambongan nila ni Cebu Archbishop Jose Palma, Cebu Auxiliary Bishop ug Jaro Archbishop Midyphil Billones, Tourism Secretary Christina Garcia-Frasco, Gobernador Gwendolyn Garcia ug ubang mga opisyal.
Ang arsobispo nipadayag nga ang eyukaristiya sentro sa kinabuhi sa simbahan, iyang gipasabot nga taliwala sa tanang relihiyoso nga selebrasyon ang eyukaristikanhon nga selebrasyon sa misa mao ang kinatumyan sa pagtuo.
Ang panel dili lang usa ka panel apan kini naglambigit pag-ayo sa pulong sa Dios, diin nahimong buhi ang pulong sa Ginoo.
Ang opisyales nga gipangulohan sa gobernador mapasalamaton nga hingpit nang nabalik ang pulpito ug nagpakita kini nga iyaha gayud sa Archdiocese of Cebu ug sa katawhan sa Boljoon.
Gipasabot usab sa Calahe Environmental Consultancy Services ang conservation process sa pulpit panels diin ang panels mopaubos sa carbon dating aron sa pagdeterminar sa gidugayon sa material.
Ang maong pulpit panels dalhon kini karong adlawa alang sa pagdawat na sa mga taga Boljoon ug ipahigayon ang public viewing hangtud sa Marso 18, 2025.
Sa Marso 19 ngadto sa 20, 2025 mao ang installation sa panels diha sa pulpito ug sa Marso 21, 2025 ang misa ni Palma alang sa thanksgiving ug isunod ang blessing ug unveiling sa panels.
Ang katawhan sa Boljoon mapasalamaton ug nipadayag sa ilang kalipay nga mabalik na sa hingpit ang pulpit panels human kini nawala sa dugay’ng panahon.
Si Monsignor Arthur Navales, kura paruko nibutyag nga naghimo na sila og mga pagpangandam sa pag-abot sa panels. BDB BANAT NEWS
- Latest
