Laing mga LGUs gihatagan og pundo sa Kapitolyo

CEBU, Philippines — Ang Probinsya sa Sugbo nanghatag na usab og pondo sa laing hugna sa mga local government units (LGUs).

Ang mga lungsod ug siyudad sa primero distrito sa Probinsya sa Sugbo ang nahatagan sab og tabang pinansyal sa Kapitolyo alang sa proyekto sa imprastraktura.

Moabot sa P46 milyones ang giapud-apod ni Gobernador Gwendolyn Garcia ngadto sa mga LGUs sa mga siyudad sa Talisay, Naga, ug Carcar, lakip na sa lungsod sa Minglanilla ug Sibonga.

Matag usa sa maong LGU nakadawat og tag P8 million. Samtang ang lungsod sa San Fernando nakadawat og cheke nga nagkantidad og P6 milyones.

Gihatag ni Garcia ang maong cheke ngadto sa mga mayor sa maong mga LGUs atol sa ika-40 ug katapusang Caravan of Government Services sa Probinsya sa Sugbo karong tuiga.

Sa matag P8 million nga gihatag sa Kapitolyo ngadto sa mga LGUs, P5 million niini alang sa mayor ug P1 million ngadto sa P3 million ang sa bise mayor alang sa buot ipatuman nga proyekto sa imprastraktura sa maong mga lokal nga opisyal. (BANAT NEWS)