Kapolisan nangandam sa mga kalihokan sa pasko ug Sinulog 2025
CEBU, Philippines — Subsob ang security preparation sa Cebu City Police Office sa mga kalihokan dili lang sa holiday season apan apil na sa nagkaduol nga Sinulog 2025.
Nagkanayon si Police Colonel Antonieto Cañete, direktor sa Cebu City Police Office nga usa sa ilahang gipangandam ang pagpasiga sa giant Christmas tree sa Fuente Osmeña Circle sa umaabot nga mga adlaw.
Matud ni Cañete nga duna sila’y igong personnel nga ipakatap apil na niini ang Task Force Kasaligan, NGOs ug ubang grupo nga motabang sa pagbantay sa seguridad sa publiko atol sa mga kalihokan.
Sunod-sunod na dayon ang ilahang mga preparasyon sa mga dagkong kalihokan sa pasko, bag-ong ug Sinulog 2025.
Sa pagbantay sa seguridad sa pasko ug bag-ong tuig pwersa lang sa CCPO ang i-deploy inabagan sa komunidad.
Apan giklaro ni Cañete nga sa Sinulog ubay-ubay nga augmentation ang madawat sa CCPO.
Sa laing bahin, mopakatap na ang Lapu-Lapu City Police Office sa ilang mga sakop sa kapolisn diha sa mga mall, mga pantalan ug mga tourist destination nunot sa nagkaduol na ang pagsaulog sa pasko.
Ang mga dapit nga tapokan sa daghang mga tawo sa pagsaulog sa pasko sama sa mga simbahan, lakip na ang exit point ug entry point sa dakbayan ang ilang butangan og mga polis nga mobantay niini.
Gibutyag ni Torres nga ang mga intelligence group sa kapolisan sa LCPO ang nagpadayon na ilang monitoring sa pagsiguro nga mahibaw-an kon ugaling adunay grupo sa mga tawo nga nagtinguha sa paghimo og daotang kalihokan sa siyudad niining panahon sa pasko. BDB BANAT NEWS
- Latest
