Senatorial line-up sa Alyansa para sa Bagong Pilipinas gipahibawo na

CEBU, Philippines — Gipahibawo na ni President Ferdinand Marcos Jr kagahapon, Huwebes ang line-up sa mga kandidato pagka senador ubos sa Alyansa para sa Bagong Pilipinas alang sa sunod tuig nga eleksyon.

Kining pahibawo gihimo sa presidente atol sa convention sa Alyansa para sa Bagong Pilipinas didto sa Pasay City.

Naglangkob sa line-up ni President Marcos mao ang 5 ka reelectionist senators, 3 ka kanhi senators, 2 ka house lawmakers, 1 ka mayor ug 1 ka cabinet official.

Matud pa sa presidente sa iyang pag endorso ang iyang hangyo nga magpabilin ang ilang katungod ug paghigugma sa nasud kay mao kini ang pinaka importante nga kinaiya sa kandidato nga iyang gitan-aw ug gihuna-huna.

Lakip sa line-up mao si Interior Secretary Benhur Abalos, Makati Mayor Abby Binay,Senator Pia Cayetano,kanhi senador  Panfilo “Ping” Lacson, Senator Lito Lapid,Senator Imee Marcos, kanhi senador Manny Pacquiao, Senator Bong Revilla, kanhi Senate President president Vicente “Tito” Sotto III, Senator Francis Tolentino,ACT-CIS Representative Erwin Tulfo, ug House Deputy Speaker Camille Villar. — MEL BANAT NEWS