Hunta Probinsiyal naghuwat sa buget proposal alang tuig 2025

CEBU, Philippines — Gihulat na lang sa Sangguniang Panlalawigan sa Probinsiya sa Sugbo ang budget proposal nga isumiter sa executive alang sa tuig 2024.

Si Bokal Glenn Anthony Soco, chairman sa Committee on Budget and Appropriations sa hunta probinsiyal nagkanayon nga padayon ang budget hearing sa proposal ug giduso nga pundo sa mga departamento sa Kapitolyo alang sa sunod nga tuig.

Karong tuiga nikabat ngadto sa P23 bilyones ang budget sa probinsiya.

“We expect nga mo increase gyud ni gihapon ang budget”, matud ni Soco.

Si Soco nagkanayon nga gitrabaho karon sa Kapitolyo ang dugang mga tinubdan sa revenue o kita sa probinsiya.

Nasayran nga ang Probinsiya sa Sugbo wala kini magsalig sa alokasyon gikan sa nasudnong kagamhanan aron mapundohan ang mga proyekto ug programa niini.

Lakip sa gigikanan sa kita sa probinsiya mao ang koleksiyon sa real property tax, quarry permits ug uban pa nga lokal nga koleksiyon naggikan ang kita sa probinsiya.

Sayo pa, si Gobernador Gwendolyn Garcia atol sa iyang State of the Province Address (SOPA) sa niaging bulan  nagkanayon nga  tungod sa subsob nga koleksiyon sa buhis sa Kapitolyo ang tax collection sa probinsiya niabot na sa P1.1 bilyon diin nisaka kini ngadto sa unom ka porsyento.

Sa bulan sa Oktbure karong tuiga gilaoman nga masugdan na sa legislative ang budget hearing sa iduso nga budget sa Kapitolyo alang sa tuig 2025.

Human makasumiter ang executive sa budget proposal niini ug ma-file na ang proposed appropriation ordinance sa first reading magsugod na dayon ang budget hearing nga pangulohan sa Committee on Budget and Appropriation.  BDB BANAT NEWS