Dengue awareness gihingusgan sa siyudad sa Mandaue
CEBU, Philippines — Gihingusgan karon sa kagamhanan sa siyudad sa Mandaue ang Dengue Awareness Campaign program.
Kini pinaagi sa mga doktor sa City Health Office nga nanawagan sa pagsabwag og mga kasayuran labot sa pagpakgang ug pagsunod sa mga guidelines kabahin sa sakit nga dengue.
Sa nasayran taas ang gidaghanon sa mga nasakit og dengue sa siyudad sa Mandaue.
Gi-awhag ni Dr. Frency Tedle sa CHO ang mga purok leader sa kabarangayan nga moabag sa ilang kampanya ug sa pagpakatap sa mga kasayuran kabahin sa dengue awareness.
Matud pa ni Dr Tedle nga mahinungdanon kaayo ang pagmintinar sa kalimpiyo sa palibot sa paglikay nga makapuyo ang lamok nga nagdala og dengue.
Dugang pa niya nga importante kaayo nga modangop gilayon sa doctor kun makasinate og hilanat nga usa sa mga sintomas sa maong sakit. (BANAT NEWS)
- Latest
