Teves i-extradite balik sa Pilipinas
CEBU, Philippines — Gikatakdang i-extradite sa nasud sa Timor Leste ang gitaktak nga kongresista nga si Arnolfo Teves Jr. karong sunod buwan sumala pa ni Justice Secretary Jesus Crispin Remulla kagahapon.
Si Teves wala na mouli sa Pilipinas sukad nga gilambigit kini sa pagpatay kang kanhiNegros Oriental Gov. Roel Degamo ug laing siyam ka tawo niadtong Marso 2023.
Misuway si Teves pagpangayo og political asylum didto sa maong nasud apan gibasura kini sa gobiyerno didto. "Teves is coming home very soon. Our expectation is within the month," matud pang Remulla sa mga tigbalita.
Gibutyag ni Remulla nga gamiton sa gobiyerno ang abyon sa Philippine Air Force aron madala og balik dinhi si Teves kinsa plano sa gobiyerno sa maong nasud nga ipadala balik sa nasud ini og mahuman ang Papal visit sa Santo Papa sa ilang nasud karong Septiyembre 11. Niadtong bulan sa Hunyo ang appellate court sa Timor Leste nitugot sa extradition request sa Pilipinas kang Teves. Gibasura sa maong korte ang mosyon ni Teves nga pugngan ang ekstradisyon niadtong Agosto 28,2024.
- Latest
