Gullas nidasig sa mga nagpuyo puyo sa pag apil sa mass wedding
CEBU, Philippines — Gidapit ni Talisay City mayor Gerald Anthony “Samsam” Gullas ang lalaki ug babaye nga nagpuyo-puyo nga mopahimulos sa mass wedding.
Si Gullas nagkanayon nga matag tuig panahon sa Charter Day aduna gyud silay ipahigayon nga libreng kasal sa mga nagpuyo nga wa pa makasal.
Busa sa sayo pa, nagtigom na sila sa kadagkuan sa mga simbahan ug gihisgutan ang 3rd Annual Mass Wedding nga tipik sa kasaulogan sa Chater Day sa Talisay matag Enero 8.
Sa labing una nila nga mass wedding niabot sa 111 ka paresan ang nagpakasal.
Samtang karong tuiga, modawat sila sa 97 ka paresan nga andam modawat sa sakramento sa kaminyuon.
Matud pa ni Gullas nga ang deadline sa pagsumiter sa rekisitos karon na kining Oktubre 20 ning tuiga.
Nanghinaot si Gullas nga daghan unta ang mopahimulos niini kay mas maayo nga adunay blessing sa simbahan ang panag ipon. (BANAT NEWS)
- Latest
