DSWD-7 nipasalig og suporta sa opisyales sa Canlaon City
CEBU, Philippines — Ang direktor sa Department of Social Welfare and Development Field Office- 7 Shalaine Marie Lucero nipasalig ngadto sa mga opisyal sa Canlaon City nga aduna sila’y mahatag nga suporta gikan sa personnel, lakip ang food and non-food items.
Matud ni Lucero nga ang DSWD naka-prepositioned ngadto sa Canlaon og 6,800 family food packs, 255 kitchen kits, 224 family kits, 161 hygiene kits, 233 sleeping kits, usa ka camp management kit, usa ka women-friendly space kit ug usa ka child-friendly kit.
Ug adunay naka-prepositioned usab nga 3,400 family food packs sa mga silingan nga kalungsuran sa Vallehermoso, Negros Oriental.
Ang FO-7 padayon nga nag-monitor sa sitwasyon sa Canlaon City taliwala sa kalihokan sa Mt. Kanlaon ug andam sila nga motabang sa mga LGU sa bisan unsa nga panghitabo.
Ang DSWD warehouse sa Dumaguete City adunay stockpile nga 14,385 Family food packs. (BANAT NEWS)
- Latest
