Mga E-bike driver sa barangay Lagtang gi-seminar
CEBU, Philippines — Gipaubos sa seminar ang mga E-bike drayber sa Barangay Lagtang, siyudad sa Talisay.
Kini subay sa hangyo ni kapitan Chester Salcedo sa mga sakop sa City of Talisay-Traffic Operation Development Authority (CT-TODA).
Matud pa ni Salcedo nga daghan sila og reklamo nga madawat sa mga E-bike drayber sama nalang sa pag counter flow, mamili og pasahero ug uban pa.
Matud pa sa kapitan nga sa mao nga kalihukan magmatngon ang mga E-bike drayber sa ilang pamatasan sa kadalanan.
Sigon pa ni Salcedo nga human sa seminar isunod na dayon ang ilang pagregulate sa mga E-bike sa ilang barangay.
Tinguha nila nga luwas ang mga drayber ug pasahero samtang magbiyahe sa kadalanan.
Miabot sa usa ka gatus ka E-bike drayber ang napaubos sa seminar ug sila lang ang tugotan nga makapamasahero sa ilang barangay. (CEBU NEWS)
- Latest
