PWDs gihatagan og discount ID sa Mandaue
CEBU, Philippines — Gihangop sa 64 ka person with disability (PWD's) human nakadawat sa ilang discount ID niadtong Sabado, Agosto 17, 2024 gikan sa kagamhanan sa Dakbayan sa Mandaue.
Ang pagpanghatag sa maong discount ID gipahigayon diha sa Mandaue City Cultural and Sports Complex sa Sitio Tribunal sa Barangay Centro.
Si Mayor Jonas Cortes ug Bise Mayor Glenn Bercede ang nangulo sa pagtunol sa maong mga discount ID ngadto sa PWDs ug gisaksihan usab kini sa pipila ka mga sakop sa konseho sa siyudad.
Ang discount ID magamit sa mga PWD sa ilang mga prebelihiyo sa diskwento sa pagpalit og tambal, professional fees sa doctor, ug discount sa mga supermarket. Gipahigayon usab sa mga PWD ang Orientation on Disability Related Laws aron kahatagan sila sa mga kasayoran sa ilang mga katungod ug privileges. — /BDB (BANAT NEWS)
- Latest
