Mandaue ug DOH nihingusog sa pagpamakuna

CEBU, Philippines — Gihingusgan karon sa Mandaue City Health Office ug Department of Health Central Visayas ang pagpamakuna ubos sa National Immunization Program ngadto sa mga molupyo sa kabarangayan kontra sa mga motakboy nga mga sakit.

Sa gipahigayon nga Mandaue City stakeholders meeting nga gitambongan sa Mandaue City Health, DOH-7 ilang gituki ang paghingusog sa National Immunization Program diin tumong niini nga mokunhod ang morbidity ug mortality rates.

Nasayran nga ang pagpamakuna maoy nag-unang programa sa DOH nga ilang gihimo sukad pa niadtong tuig 1976.

Katambayayong sa DOH sa pagpatuman sa maong programa ang Mandaue City Health, UNICEF ug RELIEF International.

Sa maong meeting nitambong ang mga stakeholder, mga representate sa mga hospital ug 10 ka barangay kapitan sa siyudad. — BDB BANAT NEWS