Talisaynon midaug sa National Schools Press Conference
CEBU, Philippines — Midaog sa nasudnon nga kompetisyon ang usa ka Talisaynon nga tinun-an sa Cansojong National High School.
Si Talisay City mayor Gerald Anthony “Samsam” Gullas nipadangat sa iyang pagtimbaya ngadto ni Resty Birth Lazarte human siya maoy 1st placer sa 2024 National Schools Press Conference.
Si Lazarte ang nag una sa pagsulat sa column category sa secondary level.
Mapasigarbohon si Gullas ni Lazarte nga naghatag nasab og laing dungog sa Talisay.
Suma pa sa mayor nga naningkamot sila sa gobyerno sa Talisay nga mapalambo ang edukasyon kay nakita man ang pagpaningkamot sa kabaatang Talisaynon sa bisan asa nga aspeto.
Ang kompetisyon gisalmotan sa nagkalain-laing kabataan gikan sa nagkalain-laing rehiyon sa nasud.
Gihimo kini niadtong buwan sa Hulyo didto sa siyudad sa Carcar.
Samtang si konsehal Eduardo “Digul” Gullas III, chairman sa committee on education mopasidungog sab ngadto ni Lazarte.
Mapasigarbohon siya sa tinun-an nga maoy nag una sa ilang kategoriya. —MEL BANAT NEWS
- Latest