Drayber sa e-bike gipusil sa duha ka lalaki

CEBU, Philippines — Naangol ang usa ka e-bike driver human kini naigo sa pagpamusil sa duha ka kriminal diha sa Sitio Cabancalan 2, Barangay Bulacao, Siyudad sa Sugbo niadtong Martes sa gabii.

Ang biktima mo si alyas “Bryan”, hingkod ang panuigon, e-bike driver ug residente sa nahisgutang lugar samtang ang mga kriminal sakay og NMAX nga motorsiklo nga color gray nga walay plate number, nagsul-ob og jacket ug nutshell helmet.

Matud ni Police Major Jiceree Basitao, hepe sa Inayawan Police Station nga na-recover gikan sa lugar nga nahitaboan ang unom ka empty shell sa kalibre .45 nga pistola.

Nasayran nga sa wala pa mahitabo ang pagpamusil ang biktima diha kini sa bakery sa lugar nag-estambay.

Base sa imbestigasyon sa kapolisan naangin ra ang e-bike driver ug dili kini maoy target sa duha ka kriminal.

Gikataho nga ang kapolisan aduna nay duha ka persons of interest nga mga drug personalit.

Susihon sa kapolisan kong wala ba’y kalambigitan sa ilegal nga drugas ang maong hitabo.

“Mao pa ni atong i-verify og maayo kay kung tan-awon nimo ang area, the crime scene is, ang mga bala, ang mga bullets is trajectory upwards didto sa bakery kong tan-awon nimo wala gyu’y intension nga mopatay but panghadlok lang ba, maskin ang tawo sulod sa bakery wala ra naunsa”,  dugang ni Basitao. (BANAT NEWS)