Nagkadaghan nga E-bike sa Talisay pangitaan og solusyon

CEBU, Philippines — Nagkadaghan karon ang mga nagdagan nga E-bike sa Dakbayan sa Talisay.

Kini maoy gibutyag ni Jonathan Tumulak, pangu sa City of Talisay-Traffic Operation Development Authority (CT-TODA).

Matud pa niya nga sa pinakauwahi niya nga pakisusi niabot na sa 5,000 ka E-bike ang nagdagan sa Talisay.

Una niini daghan ang mireklamo sa pagdaghan sa E-bike sa siyudad tungod kay nasinate man ang kahuot sa dagan sa trapiko

Gumikan niini si Tumulak niingon nga ilang i-cluster ang 22 ka barangay aron masuta ang gidaghanon sa E-bike nga nagdagan sa matag barangay.

Una niya nga gipakigtagboan ang barangay Tanke, San Roque, Cansojong ug Poblacion ug gusto niya mahibaw-an ang advantage ug disadvantage sa presensya sa E-bike.

Gitataw ni Tumulak nga aduna na untay tulo ka barangay nga nakapanday og ordinansa kalabot sa regulasyon sa E-bike pero wa kini madayon.

Dugang pa niya nga sila maningkamot nga makahatag og solusyon sa suliran nga di sab mawagtangan og panginabuhian ang Talisaynon.  (BANAT NEWS)