P10 miyong shabu nasakmit sa LCPO

CEBU, Philippines — Mokabat gibanabanang sobra P10 milyones nga gituohang shabu ang nasakmit sa kapolisan sa mga operasyon sa Lapu-Lapu City Police Office, ang usa niini nadakpan kagahapon adlaw nga Sabado diha sa Barangay Pusok ug nakuhaan og P7.5 milyones nga gituohang shabu.

Sa buybust operation diin nakuha ang 7.5 milyones ka pesos balor sa gituohang shabu  nga gipahigayon sa City Intelligence Unit ug City Drug Enforcement Unit sa Lapu-Lapu City Police Office alas 4:19 Sabado sa hapon sa Sitio Lawis Barangay Pusok,  ilang nadakpan  si Bryan Torrefranca  Bolante alyas “Bi-an,” 20.

Si Bolante giingong usa ka construction worker  ug lumad na taga Lungsod sa Sibonga apan kasamtangan nagpuyo sa Barangay Toong sa Syudad sa Sugbo apan nag-sideline sab sa ilegal nga drugas ug siya gikonsiderar nga High Value Individual sa kampanya kontra ilegal nga drugas.

Matud pa ni Police Lieutenant Colonel Dindo Juanito Alaras, hepe sa CIU LCPO mitug-an nga migawas ang pangalan sa dinakpan sa mga miaging police operations ug maong ilaha kining gipanid-an ug nasuta nga tigtagak lini og illegal nga drugas sa siyudad.

"Siya ang tig tagak diri sa Lapu-Lapu, Cordova aArea, Mandaue including Consolacion, Cebu City amo ni siya gi build up for one month naay times mo dayon naa times mo atras sa transaction,” sigon ni Alaras.

Apan ang suspek miinsister nga gisuholan sa siya og usa ka libo matag deliver niya sa illegal nga drugas apan wala siya maka ila sa nagsugo kaniya.

Atol sa maong operation nakompiska gikan niya ang usa ka tibook nga usa ka kilo ug upat ka tag 25 gramos nga motimbang tanan 1100 gramos nga mobalor dul-an sa P7.5 milyones  nga  gisulod sa backpack nga kolor pula, cellphone ug ang buy bust money.

Sacleo

Sa pikas bahin, sa Simultaneous Anti- Criminality Law Enforcement Operation (SACLEO) nga nagsugod  sa Marso 25 hangtod sa Marso 27, 2024 sa LCPO, moabot P5.4 milyones nga kantidad ang shabu nga ilang nasakmit  ug 24 ka mga gipasanginlang drug pushers  ang ilang nadakpan.

Lakip sa mga nadakpan ang 18 ka  mga tawo nga nag-atubang og kaso ug nalutsan kini og warrant of arrest sa korte.

Si  Police Lieutenant Colonel  Christian Torres, tigpamaba  sa LCPO miingon nga gihimo  ang hiniusang  SACLEO sa kapolisan sa LCPO nga gilangkoban sa City Intelligence Unit (CIU) City Drug Enforcement Unit (CDEU) uban sa koordinasyon sa Philippine Drug Enforcement Agency (PDEA) 7.

MCPO

Laing duha usab ka mga High Value Individual (HVI)  nga gipasanginlang pushers ang nadakpan sa kapoliusan sa Mandaue City Police Office (MCPO) sa buy bust operation nga ilang gihimo  sa dalan Zuellig,  Barangay Subangdaku.

Ang nadakpan mao silang alyas "Inggoy" 34-anyos nga taga Sitio Malibu,  Subangdaku, nga nakuhaan kini og 55 gramo nga shabu nga nagkantidad og P374 mil ug ang usa ka alyas Toper nga nadakpan  diha sa North Reclamation Area sa Barangay Subangdaku ug nakuhaan usab  og 70 gramo nga shabu nga nagkantidad og P500 mil.

Usa giila lang sa pangalan nga "Janjan" nga taga Pardo, Siyudad sa Sugbo maoy giingong supplier sa duha og shab. Ang grupo giingong konektado  sa usa ka dinakpang nakuhaan og us aka kilong shabu niadtong Pebrero sa Mandaue City ang duha.— (BANAT NEWS)