Mga senior nga OFW mireklamo nganong di pa kadawat og ayuda
CEBU, Philippines — Pipila ka mga senior citizen nga Overseas Filipino Worker (OFW) nga mibalik sa siyudad sa Talisay ang mireklamo nganong di pa sila makadawat og pinansyal nga ayuda.
Si konsehal Ofelia Ylanan, chairman sa committee on Senior Citizen nibutyag nga daghan siya og nadawat nga reklamo labot niini.
Apan iyang gipasabot nga base sa ordinansa sa siyudad kadtong wala nakarehistro ug wala nakabotar sa eleksyon bisan paman og OFW nga senior citizen dili pa diha-diha makadawat sa pinansyal nga ayuda.
Sigon pa ni Ylanan nga gawas nga wala sila masulod sa budget karong tuiga aduna pa silay amendahan sa ordinansa ug ilakip pa nila kini sa pag gahin og pundo.
Gani ang mga Talisaynon nga bag-o lang mag edad og 60 anyos adto paman sab sila makadawat sa sunod tuig.
Nihangyo si Ylanan sa pagsabot sa mga senior citizen nga balikbayan kay sila nagsunod rasab sa lagda.
Ang Talisay adunay gibana-bana nga 18mil ka rehistrado nga senior citizen nga makadawat og pinansyal nga ayuda nga moabot og P6,500 matag tuig.(BANAT NEWS)
- Latest
