Kapolisan sa Talisay nanghatag og regalo sa Kabataan
CEBU, Philippines — Gipanghatagan og regalo ang mga kabataan nga kanhi badlungon sa Dakbayan sa Talisay.
Sa nasayran sila ang kabataan nga nagpangidaron og 9 ngadto sa 16 anyos nga nagpabadlong kaniadto ug napaubos na karon sa intervention o programa nga first salute.
Si Cyril Velasco, presidenti sa City Advisory Council maoy usa sa mga nitambong sa Christmas party sa Talisay City Police uban ang mga kabataan.
Unang gihimo mao ang pagkuyog sa mga bata aron isuroy sila sa nagkadaiyang opisina sa Talisay City Police Station.
Gipakita ngadto sa kabataan ang buhatan sa Special Weapons and Tactics (SWAT), Women and Children Protection Desk, investigation office ug sa buhatan sa Scene of the Crime Operatives.
Giapil nila ni Velasco ang pagpahinumdom sa kabataan nga ipadayon ang ilang maayong mga buhat ug dili na magpadala sa hulhog sa dautang elemento aron mahimong hayag ang ilang kaugmaon. (BANAT NEWS)
- Latest
