Income sa city market misaka sa miaging tuig

CEBU, Philippines — Gipahibawo sa pangulo sa office of the city market OCM nga mas nikita ang ilang buhatan sa tuig 2023 kon ikomparar sa tuig 2022.

Suma pa ni Robert Barquilla ang OCM nakakolekta og P139.55milyon sa tuig 2023 itande sa tuig 2022 nga adunay lay P137.96milyon.

Dugang pa ni Barquilla, ang Cebu Carbon Markets diin tulo ka units niini ang nakakita og taas nga revenues ug gisundan kini sa Pasil Fish Markets.

Gitug-an ni Barquilla, ang kita nila sa unit II kay niubos kini og P2.7milyon ka pesos.

Malaumon ang mga opisyal sa OCM nga karong tuiga bisan sa pag kibhang sa budget para sa 2024 dili maapektahan ang maong buhatan tungod kay aduna man silay igong income ug makita usab ang gastohan sa ilang pundo.

Ang maong buhatan sa OCM nakahimo usab sa pagpaayo sa merkado publiko sa Pardo og pag-ilis sa tiles sa Carbon Market Unit 1. (BANAT NEWS)