Mga job order nga kawani sa Talisay City Hall mahatagan og bonus
CEBU, Philippines — Gipadayag ni Edgar Mabunay budget officer sa dakbayan sa Talisay nga nagpaabot na lang sila sa memorandum circular alang sa paghatag og bonus sa mga job order nga kawani sa city hall.
Ang maong katin-awan iyang gipadayag nonot sa nigawas nga mga estorya kabahin sa bonus sa mga kawani ilabi na sa mga job order nga nagpaabot usab niini.
Suma pa ni Mabunay, nga ang mga regular nga kawani nakadawat na sa ilang naandan nga pahalipay gani duna pa sab silay gipaabot nga kaayohan.
Dugang pa niini nga gipaabot pa nila ang memorandum circular aron makahatag sab og bonus ngadto sa mga job order nga kawani.
Samtang si bise mayor Richard Francis “Choy” Aznar nitataw nga posible karong semanaha ilang mahatag ang maong pahalipay.
Apan dili pa nila masiguro kun pila ang kantidad nga mahatag ngadto sa mga kawani. (BANAT NEWS)
- Latest
