P2M shabu nasakmit sa kapolisan

CEBU, Philippines — Nadakpan sa mga operatiba sa City Intelligence Unit-Cebu City Police Office(CCPO) ang usa ka high value individual atol sa gihimong buy-bust operation diha sa General Maxilom Avenue Extension, Barangay Carreta, siyudad sa Sugbo, Domingo sa gabii, Nobiyembre 17, 2024.

Ang nadakpan mao si Aris Deem Gardoque Razonable alyas Gang-Gang, 41, nagpuyo sa 124 Logarta Street, Barangay San Roque ning siyudad.

Nasakmitan ang suspetsado og 310 gramos nga illegal nga drugas nga nagkantidad og P2. 1 million.

Ang maong operasyon gihimo human nakadawat og impormasyon ang kapulisan labot sa illegal nga kalihukan sa suspetsado.

Gipalawman sab sa kapulisan ang ilahang imbestigasyon ilabi na kun asa gikan ang mga drugas nga nasakmit nila.

Kasong kalapasan sa Section 5 ug 11, Article II sa Republic Act 9165 ang ipasaka batok sa suspetsado. (BANAT NEWS)