Sleeping quarters sa Carbon ablihan sugod karong adlawa

CEBU, Philippines —  Baynte kwatro oras nga 50—bed sleeping quarters nga naa nahimutang sa ikatulong andana sa Carbon Interim Building ang buksan karong adlawa , Miyerkules, Oktobre 25, 2025. Gihimo kini aron dunay tarong nga matulgan ang mga vendors sa Carbon Public Market nga layo ang gipuy-an sa matag higayon nga mamaligya sila sa merkado.

Kay daghan kanila ang anha nalang matulog sa ila mismong pwesto bisan peligro kaayo sa ilang seguridad.

Ang sleeping quarter’s adunay kasigurohan nga luwas ang mogamit niini, limpyo ug disente ug komportable nga pahuwayan.

Duna kini shower nga mahimong makaligo agi ug pagpangandam sa ilang inadlaw-adlaw nga gimbuhaton.

Moabot lang ngadto sa P150 ang upper deck ug P200 ang lower deck ang bayad sa walo ka oras nga pagamit sa matag bunk beds sa mga air-conditioned nga kwarto samtang tag P5 ang matag minuto sa paggamit sa pay shower.

Bisan brownout, duna kini suplay sa kuryente kay duna kini back-up power.Dunay unlan ug habol, ug lahi usab ang tulganan sa mga lalaki ug babaye ug gitagan-an usab sila ug locker nga mahimo nilang kabutangan sa ilang mga importante nga butang sama sa mga halin ug uban, ug duna usab CCTV camera alang sa ilang seguridad. IBM (BANATNEWS)