300 na ka bata sa Talisay ang nakapahimulos sa libreng tuli
CEBU, Philippines — Niabot ngadto sa 300 ka batang Talisaynon ang natuli na sa Talisay City Health Office.
Si Dr. Lino Alanzado, pangulo sa CHO nibutyag nga padayon ang ilang pagtuyok sa kabarangayan alang sa paghatud sa libreng tuli.
Matud ni Alanzado nga ang pagpatuli usa ka matang sa paglimpiyo sa lawas sa usa ka bata ilabi na sa tropical nga nasud.
Usa sa mga gituli mao ang 6-anyos kinsa giingong mao gyud ang nihangyo sa iyang mga ginikanan.
Ang 12-anyos nga bata mao ang pinakataas og edad nga nagpatuli.
Ang maong bata giingong nagpatuli kini tungod kay sigehan og sungod diha sa ilang tunghaan.
Ang kagamhanan sa Dakbayan sa Talisay naghimo na og schedule diha sa nagkalain-laing barangay aron mas duol na ang mga ginikanan nga modala sa ilang mga bata nga ipatuli. BDB (BANATNEWS)
- Latest
