49 ka pamilya sa Barili nakadawat og tabang pinansyal
CEBU, Philippines — Moabot sa 49 ka pamilya gikan sa barangay Maigang ug Luyo sa lungsod sa Barili ang nakadawat og tabang pinansyal ug ubang hinabang gikan sa gobyerno.
Matud ni Barili Mayor John-John Garcia nga kagahapong adlawa, matag pamilya nakadawat og P10, 000 gikan ni kongresista Pablo John "PJ" Garcia ug giagi sa Department of Social Welfare and Development (DSWD-7).
Ang maong mga benepesyaryo nakadawat pud og food packs, hygiene kits ug sleeping kits gikan sa Kapitolyo ug DSWD. Ang maong mga pamilya gipabakwit tungod sa pagdahili sa yuta sa ilang lugar.
Gipadangat sa mayor ang iyang panghinaut nga makabalik na sa ilang mga pinuy-anan ang maong mga pamilya aron makapadayon sa ilang panginabuhi.
"They are still staying in their temporary homes sa mga barangay halls ug chapels in their respective barangays. We continue to pray that the weather gets better aron pud makabalik na silas ilang mga panimalay ug panginabuhi" matud ni Mayor John-John Garcia sa iyang social media page. (FREEMAN)
- Latest
