Animal welfare officers andam na
CEBU, Philippines — Andam na sa ilang mga trabaho ang animal welfare enforcement officers sa Dakbayan sa Sugbo human sila nigradwar sa ilang duha ka adlaw nga orientation ug workshop.
Kabahin kini sa tinguha sa programa sa siyudad alang sa pag-establisar og animal welfare desk diha sa tanang police stations sa siyudad.
Matud ni Bise Mayor Raymond Alvin Garcia nga makiangayon lang nga panalipdan ang mga hayop batok sa bisan unsa nga kuyaw nga sitwasyon.
“I personally believed that animals should be treated with respect and be dealt with as humanely as possible”, Garcia pa. Ang maong workshop gidumala sa buhatan sa bise mayor, chairman sa Committee on Animal Welfare sa konseho ug Department of Veterinary Medicine and Fisheries (DVMF).
Niabot ngadto sa 54 ka personnel sa tanang police stations sa Cebu City Police Office, Cebu City K9, Armed Forces of the Philippines, Veterinary Force, ug PNP Maritime Police ang nisalmot sa maong kalihokan.
Gituki usab ang Akta Republika 8485 kun “Animal Welfare Act of 1998” ug ang amending law niini nga Akta Republika 10631.
Gikalipay kaayo sa animal lovers ang maong kalamboan gumikan kay mapaspasan unya ang pag-umol og mga lagda o pamaagi alang sa pagproktekta sa kahayopan .
Sayo pa, gipahimangnoan sa DVMF ang publiko nga dili dagmalan ang mga hayop tungod kay aduna usab kini kinabuhi. (BANAT NEWS)
- Latest
