Mga sakop sa BJMP Talisay negatibo sa drug test
CEBU, Philippines — Negatibo sa illegal nga drugas ang tanang sakop sa Bureau of Jail Management and Penology (BJMP) sa Dakbayan sa Talisay nga gipaubos sa drug test.
Pinaagi sa pag-abag sa Philippine Drug Enforcement Agency (PDEA) natigayon ang drug test sa mga sakop sa BMJP-Talisay Male Dormitory.
Gihatagan sab sila og kaalam sa taga PDEA-7 alang sa pagdala sa kritial nga aspeto sa kaso sa ilegal nga drugas.
Samtang gipaubos sab ang mga jail officer lakip na ang mga Persons Deprived of Liberty (PDL) alang sa Basic Life Support. Ang mga sakop sa City Disaster Risk Reduction and Management Office (CDRRMO) maoy nagtudlo sa pagtabang sa tawo nga nagkinahanglan sa dinalian nga tabang.
Samtang nagnegatibo usab ang 20 ka mga polis nga babaye sa Lapu-Lapu City Police Office (LCPO) human sa gipahigayon nga random drug test nonot sa pagsaulog sa Women’s Month 2025.
Si Police Lieutenant Colonel Christian Torres, tigpamaba sa LCPO miingon resulta kini sa matag semana nga pagpahigayon og random drug test isip kabahin sa internal cleansing sa kapolisan.
Dugang pa niya nga ang random drug test sa ilang mga personnel gisugdan sa pagpatuman niadtong Enero 20, 2025 nonot sa direktiba ni Police Regional Office 7 Director Brig. Gen. Redrico Maranan. —/MEL (BANAT NEWS)
- Latest
