427 ka tricycle driver sa Mandaue nakadawat og fuel subsidy

CEBU, Philippines — Gihatag kini sa lokal nga kagamhanan sa siyudad isip ayuda sa mga driver nga naapektuhan tungod sa padayon nga pagsaka sa presyo sa produktong petrolyo.

Si Mayor Jonas Cortes maoy nangulo sa pag-apod-apod uban usab ni Konsehal Jimmy Lumapas nga maoy chairman sa Committee on Transportation sa konseho sa siyudad.

Gibahin sa matag zone ang pagpanghatag aron dili magkaguliyang, ang zone 1 gilangkuban sa mga driver nga dunay rota sa Alang -Alang, Centro,Cambaro, Ibabao-Estanca ug barangay Looc.

Samtang sa Zone 2 mao ang rota sa Basak, Jagobiao, Labogon, Umapad, Paknaan ug Opao.

Dugang nakadawat sa fuel subsidy nga mga tricycle driver mao ang Zone 3 nga dunay rota nga Banilad South, Guizo, Mantuyong, Subangdaku ug Tipolo.

Samtang ang Zone 4 gilangkoban usab sa mga rota nga Banilad North, Cabancalan, Maguikay ug Casuntingan. Ang Zone 5 naglakip sa ilang mga rota ang Casili, Basak Canduman, Cubacub, Pagsabungan, Tabok, Tawason ug Tingob. MEL (BANATNEWS)