Seniors nga edad 80-99 anyos makadawat og cash assistance
CEBU, Philippines — Gibanabanang walo ka libo ka senior citizens nga nag-edad sugod 80 ngadto sa 99-anyos ang gikatakdang makadawat sa ilang financial assistance gikan sa kagamhanan sa Dakbayan sa Sugbu sunod semana human sa eleksyon.
Kini maoy gibutyag ni Dr. Ester Concha, social services consultant sa dakbayan atol sa panagtigom kauban ang mga senior citizens niadtong Biyernes Mayo 6, 2022.
“Hopefully, it will be released by May 13 puhon. About to be released na, ugaling kay niabot man ang Comelec ban so nahunong ta,” si Concha miingon.
Una ng gipahibalo sa City’s Public Information Office (PIO) nga duha ka tuig na gikan napasar ag ordinansa alang sa financial assistance alang sa mga seniors nga naabot sa maong mga edad apan nalangan ang pagpatuman niini tungod sa pandemiya sa COVID-19.
Si Concha midugang nga ang payroll para sa mga seniors nga wala makadawat sa ilang financial aid sa mga bulan sa Oktubre, Nobiyembre ug Disyembre sa nakalabay nga tuig, naandam na sab.
Sa sayo pa, si Mayor Michael Rama mipasalig sa mga senior citizens nga mahatag ang ilang financial assistance gikan sa siyudad, makabotar man sila o dili.
“There’s no truth to the matter (that active voter’s registration is needed before seniors can get their aid),” pagpasabot pang Rama.— The Freeman/IBM
- Latest
