Lungsod sa sogod hugot nga mipatuman sa health protocols

CEBU, Philippines — Ang Lungsod sa Sogod sa amihanang bahin sa Lalawigan sa Sugbo ang nalakip karon  sa 12 ka mga lungsod nga naghigpit sa pagpatuman sa safety health protocols sa pagpugong sa pagkuyanap sa COVID-19 ubos sa estriktong Modified Enhanced Community Quarantine o MECQ.                                 

Gisugdan kini sa pagpatuman niadtong Domingo Agosto 29, 2021 pinaagi sa giluwatan nga Executive Order ni Mayor Richard Estreegan                                                

Sa iyang E.O. si Mayor Estreegan miingon nga ang Cebu Provincial Government ug and Regional Inter-Agency Task Force for the Managemennt of Emerging Infectious Disease (IATF) mihatag og pagtugot sa ilang hangyo nga ipasaka ang quarantine status sa ilang lungsod                                         

 “In spite of the implementation of the (Executive Order No. 35 issued by Gov. Gwendolyn Garcia defining the guidelines and protocols for General Community Quarantine), the Municipality of Sogod still experienced a spike of active cases of COVID-19 and COVID-19 related mortality in this month of August,” nagkanayon ang  EO nga giluwatan ni Mayor Estreegan.                                          

Nunot sa pagpaubos sa MECQ status sa nahisgotang lungsod gimando ang stay-at-home ug kadto lamang mga molopyo nga adunay mahinungdanon nga lakaw ang gitugotgan sa paggawas sa ilang panimalay.                            

Nalakip na usab ang pagsuspenso sa operasyon sa pipila ka establisamento  hangtod mausab na ang quarantine qualification sa maong lungsod.   Dugang nga naepektohan ang operasyon ubos sa MECQ status mao ang mga entertainment venues, recreational venues, amusement parks o theme parks, outdoor ug indoor sports venues, cockfighting arenas, outdoor ug indoor tourist attraction, venues alang sa panagtigom, intensive conferences ug exhibitions ug mga establisamento nga nagtanyag og personal care services.                          

Samtang gipatuman usab ang skedyul sa matag barangay sa mga tawo nga tugotan nga makaadto sa ilang merkado publiko aron paglikay sa panagdasok sa mga tawo. MEL (BANATNEWS)