Kalamposan ni Sergio “Serging” Osmeña angayan nga handumon

CEBU, Philippines — Nagpahigayon og kalihukan ang Cebu City Government subay sa ika-104th birth anniversary ni kanhi Senador Sergio Osmeña Jr. diha sa Plaza Sugbo diin nahimutang ang monumento ni Serging.

Ang maong kalihukan gitambungan ni Cebu City Vice Mayor Michael Rama ug Konsehal Renato Osmeña Jr. Kahinumduman ang Malacañang mideklarar sa December 4 isip special-non working holiday sa Probinsiya sa Sugbo ug apil na ang Tri-Cities isip pagtamod sa adlaw’ng natawhan ni Serging. Si Osmeña, anak ni kanhi Presidente Sergio Osmeña Sr. nagsilbi nga governor sa Cebu Province gikan sa 1951 hangtud sa 1959 ug napili sab nga Mayor sa Cebu City gikan sa 1959 hangtud sa 1963 ug nahimong Senador gikan sa 1965 -1971.

Ang apo ni Sergio Osmeña Jr. nga si Renato “Jun-Jun” Osmeña Jr. mibutyag nga ang kontribusyon ug achievements sa iyang apohan angayan nga i-selebrar sa tibuok Sugbo.

Si Konsehal Osmeña maoy author sa resolusyon nga nag-awhag sa Congress ug ni Presidente Rodrigo Duterte nga himoong special-non working holiday ang birthday ni Serging matag Desiyembre 4.

Samtang si Vice Mayor Michael Rama mihulagway nga importante gyud nga hinumduman ug dili kalimtan ang mga nabuhat ni Serging nga naghatag og kaayuhan natong tanan.

“This man has a shrine you can see how abundant his curriculum vitae you could imagine Serging known to be the son of this Father, December 4, 1916 today this is the first day of the birthday celebration of Serging that the whole island of Cebu is enjoying and a non-working holiday”, ni Rama pa.—MEL (BANATNEWS)