TCC padayon nga mopakuha og eksaminasyon sa ilang mga tinun-an
CEBU, Philippines — Ipadayon sa Talisay City College (TCC) ang ilang pagpakuha og eksaminasyon sa ilang mga tinun-an aron matapos gyud ang ilang ikaduhang semester sa academic year 2019-2020.
Apan lahi nga programa ang ilang ipatuman ilabi na nga nag atubang na sa new normal ang tanan gumikan sa pandemiya.
Ang TCC nakig partner sa usa ka pribadong kompaniya nga ang serbisyo mao ang paghatag og internet connection.
Sila sa kompaniya ang motabang kanila sa ilang programa aron makapadayon sa ilang pagtuon ang kabataan.
“TCC will also be distributing these SIMs and devices to their 22 partner-barangays where they will be administering exams to their students at their respective barangay halls,” tipik sa pamahayag nga gipost sa page sa Talisay City College.
Ang maong kasabutan nagsilbi kining taytayan alang sa pagtabang sa mga tinun-an nga mahuman nila ang ilang pagtungha ingon man pagpreparar kanila alang sa pag atubang sa new normal.
“The pandemic has shaken all educational institutions but we have to be fast in providing solutions so our students could still continue learning despite the trying situation. But knowing that we are not alone in this battle, I was encouraged. With the help of Smart, our students can continue learning amid the global health crisis,” panahom pa ni Dr. Helmer Montejo, Talisay City College Research Director and Associate Dean.
Hinuon wala pa sila maghisgot kun kanus-a nila ipadayon ang ilang pagpakuha og eksaminasyon sa mga tinun-an. /MEL (BANATNEWS)
- Latest
