Anti-Discrimination Ordinance sa Mandaue City giduso

CEBU, Philippines — Mahimong silotan sa kagamhanan sa Dakbayan  sa Mandaue ang mga tawo nga mopakita og dili maayong pagtagad niadtong mga gikatahapan o natakboyan  sa coronavirus disease 2019.

Napasar na ang ordinansahong gipangamahanan ni Konsehal Nerissa Soon-Ruiz sa regular session sa konseho niadtong miaging adlaw ug gipaabot nga kini maaprubahan sa hingpit sa sunod semana.

Matud pa ni Soon-Ruiz nga nadasig siya sa pagduso  sa maong ordinansagon tungod sa mga hangyo  sa pagpakabana nga gipadayag  ni Lapu-Lapu City Social Welfare and Development Officer Annabeth Cuizon,  kinsa na-diagnosed nga asymptomatic Covid-19 patient.

Nabalaka ang konsehal sa social stigma niadtong mga tawong naigo na gani sa maong sakit makasinati pa gyud og diskriminasyon sa publiko mao nga iyang gipangamahanan ang anti-discrimination ordinance.

Apil sa giisip nga diskriminasyon sa maong ordinansa ang physical, mental, emotional, verbal harm, injury, o pag-abuso , pagpanghulga ngadto sa pasyente sa  Covid-19 o sa iyang mga kabanay, kagawasan  sa pagsakay o ang pag-ban  kanila nga makasulod sa ilang panimalay. Pamultahon P5,000 o pagkabilanggo sulod sa 30 ka adlaw kadtong makalapas. /IBM (BANATNEWS)