P287 bilyon nga SB3 aprobado na sa konseho sa Cebu City

CEBU, Philippines — Human sa taas-taas nga deliberasyon hingpit nang naaprobahan sa konseho sa Dakbayan sa Sugbo niadtong Nobiyembre 13, 2024 ang Supplemental Budget Number 3 nga nikabat ngadto sa P287,425,964.81.

Sa maong kantidad, kapin sa P216 milyones ang gitagana alang sa mga personnel services sama sa salary adjustments sa regular ug casual nga mga empleyado sa City Government ug ang P70 milyones niini alang sa Maintenance and Other Operating Expenses.

Apil usab niini ang P25,000 nga cash incentives alang sa mga qualified personnel ubos sa Program on Awards and Incentives for Service Excellence (PRAISE) ug 5,000 nga bonus alang sa barangay workers nga naglakip sa Barangay Health Workers, Barangay Environmental Officers, mga magtutudlo sa daycare, (Gender and Development) focals, mga lupons, tanods, ug sa disaster ug fire volunteers.

Ang unang tranche sa salary adjustment sa regular ug casual nga mga empleyado sa city government subay kini sa Executive Order 64 ni President Ferdinand “Bongbong” Marcos, Jr. nga gipirmahan niadtong Agosto 2, 2024. BDB BANAT NEWS