Sugbo nakasinati og light haze
CEBU, Philippines — Ang Sugbo nakasinati og light haze kini ang gikompirma sa Department of Science and Technology-Philippine Atmospheric Geophysical and Astronomical Services Administration (DOST-PAGASA) hinungdan ang Environmental Management Bureau nipahigayon og data analysis.
Matud sa PAGASA nga aduna sila’y nakita nga light haze diin ang ilang basehanan mao ang ilang visibility. Ang naandan sa PAGASA mao nga 10 km ang ilang visibility apan base sa ilang latest nga observation anaa lang sa 8 km distance ang ilang maklaro.
Ang direktor sa EMB-7 Ma. Victoria Abrera nagkanayon nga ilang nakita nga light haze tungod kini sa pagbag-o sa temperatura ilabi na adunay cold front ug sa mga nilabay nga bagyo.
Matud ni Abrera nga anaa pa sila karon sa fair ang air quality ug dili pa kini alarming apan ngadto sa mga vulnerable sector kadtong adunay mga hubak kong mahimo magsul-ob sila og mask isip precautionary measures.
Dugang ni Abrera nga padayon ang ilang team sa pahigayon og monitoring ug dili pa nila masulti hangtud kanos-a kutob ang haze ilabi na aduna pay umaabot nga tropical storm. Nunot niini, bisan og ting-ulan nasinati gihapon ang kainit sa panahon sa Metro Cebu.
Si Vhan Sabellano, PAGASA weather specialist nagkanayon nga ang Visayas generally fair weather ra kini o kasagaran ang panahon.
Base sa update sa PAGASA kagahapon sa alas 5:00 sa hapon, ang Metro Cebu ubos kini sa minimum temperature diin aduna kini 26 degree Celsius nga temperatura ug ang maximum temperature 32 degree celsius. Niadtong nilabay’ng Miyerkules adunay 39 degree celsius ang natala nga heat index. BDB BANAT NEWS
- Latest
