Konsumidor sa VECO makasinati og P1.03/kWh nga usbaw

CEBU, Philippines — Makasinati ang mga residential nga konsumidor sa Visayan Electric og  usbaw nga P1.03/kWh sa ilang bayronon sa kuryente alang sa buwan sa  Nobiyembre hangtud sa Disyembre.

Ang maong pagsaka nagdala og dugang P12.19/kWh sa bayranan gikan sa niaging buwan nga P11.16/kWh.  Maghatag kini og usbaw nga labing menos P206 alang sa usa ka panimalay nga mokonsumo og 200 kilowatt-hours.

Ang pagsaka sa bayranan naggumikan sa dako nga generation costs nga nakabalda sa linya sa Luzon-Visayas Link ug gikatahong nisaka usab ang  ubang  service charges nga gikinahanglan sa operasyon. Sa umento karong buwana gipahinumdoman ni Visayan Electric President ug COO Raul Lucero ang mga konsumidor nga kanunay’ng mag-monitor sa ilang konsumo sa kuryente ilabi na nga nagkaduol ang pasko. Si Lucero niawhag nga palongon o ibton ang linya sa kuryente alang sa appliances nga wala gamita.

“'With Christmas just around the corner, I encourage everyone to be conscious of their energy use and take steps to manage it wisely. Simple practices, like turning off lights and unplugging appliances when not in use, can make a big difference in keeping costs down, especially in the coming holidays”, padayag ni Lucero. Ang Visayan Electric nag-awhag sa mga konsumidor sa paghimo og dugang nga mga lakang sa kaluwasan .

Ang pagpamutol sa mga kahoy duol sa linya sa kuryente maoy usa ka importanteng lakang aron malikayan ang pagkapalong ug pagmentinar sa kaluwasan.

Nagtanyag usab ang Visayan Electric og libreng pagpamutol sa kahoy alang sa mga kahoy nga peligro sa mga linya sa kuryente.  BDB BANAT NEWS