160 ka mangihaway sa Talisay gipa-checkup
CEBU, Philippines — Nikabat sa 160 ka mangingihaw og mananap sa ihawan sa Dakbayan sa Talisay ang gipaubos sa medical examination sa niaging adlaw. Si Dr. Mary Thesa Lorraine Alo, city veterinarian sa siyudad nagkanayon nga tinuig gyud ang ilang medical examination sa mga mangihaway.
Kini aron sa pagsiguro sa ilang kahimsog tungod kay sila man ang moatubang sa mga hayopan nga ibaligya diha sa kamerkadohan. Gipasabot ni Alo nga kong ang usa ka mangihaway aduna kini sakit sama sa hepa B ug kong masamad kini atol sa iyang pagpahigayon sa iyang trabaho ug masagol sa karne ang iyang dugo ang maong karne makontaminado na kini.
Si Alo nipadayag sa iyang kalipay tungod kay ang 60 ka mangihaway sa gobiyerno ug 100 sa pribado pulos kini himsog.
Nunot niini, ang buhata ni Alo subsob ang ilang mga programa sa pagsumpo sa mga sakit nga madala sa mga hayopan lakip niini ang programa batok sa African Swine Fever. /BDB (BANATNEWS)
- Latest
