Habig sa polis, CHR paminawon ni Garganera

CEBU, Philippines – Nagkanayon si Cebu City Councilor Joel Garganera, chairman sa Police Advisory Council (PAC), nga ang Commission on Human Rights kinahanglan mohimo sa tanang pamaagi sa pag-imbestigar og mga kaso nga naglambigit sa mga polis.

Kini human ang pangulo sa Investigation Section sa CHR-7, Leo Villarino, niingon nga ang kapolisan wala makig-alayon sa ilang buhatan sa pag-imbestigar sa 13 ka kaso sa patay nga naglambigit og polis ingon man anti-drug operations.

Apan matud ni Garganera nga paminawon una niya ang habig ug rason sa kapolisan labot sa alegasyon sa CHR-7 sanglit dili kaayo siya suhito sa mga kaso.

Base sa report, si Villarino niingon nga “zero compliance” sa habig sa kapolisan diin walay bisan usa ka dokumento o kaha personnel nila ang nipatim-aw atol sa imbestigasyon.

Pipila sa mga kaso nga gitan-aw sa CHR-7 ang suway nga pagbanhig kang Tejero Barangay Councilor Jesselou Cadungog ug ang pagpatay sa duha ka sakop sa Philippine Drug Enforcement Agency-7 nga sila si Baby “Earl” Rallos ug Von Rian Tecson.

Matud ni Garganera nga ang kapolisan ug CHR dugay na nga nag-uban ug nasayud na sila sa angay buhaton. (/GMR)(BANAT NEWS)