Mga piniriso sa Talisay CJ nangasakit
CEBU, Philippines – Sakit nga tuberculosis (TB) ug sa panit ang naangkon sa pipila ka binilanggo sa Talisay City Jail karong panahona.
Kini maoy gitug-an sa warden nga si Chief Insp. Mary Jane Inopia.
Hinuon ila na nga gipakig-alayon ang taga City Health Office aron sa dili pa makomiter sa ilang buhatan ang mga binilanggo ila na nga masusi daan ang panglawas aron dili sab makatakod sa ubang mga binilanggo.
Gawas sa TB, naa sab ang mga sakit-sakit sa panit nga nihasol sa pipila ka piniriso ingon man ang pagsaka sa presyon sa dugo.
Asoy pa ni Inopia nga dili gyud kini kalikayan ilabi na nga naghuot na gyud ang ilang prisohan gumikan sa walay puas nga pagsulod sa mga tawo nga dinakpan. Ang TCJ aduna nay 792 ka piniriso nga pulos lalaki. (/GMR)(BANAT NEWS)
- Latest
