Pipila ka bahin sa Osmeña Peak midahili

CEBU, Philippines — Pipila ka bahin sa nabantog nga Osmeña Peak sa habagatang bahin sa Sugbo nakasinati na og pagdahili sa yuta ug peligro alang sa mga mountain trekkers.

“We will do something sa peak, it seems nga gitumban tumban sa mga turista unya dunay signs of erosion. So right away, I ask Boboi (Costas) our tourism office to put signages kon asa ra sila kutob ang mga tawo. It took millions of years to develop this geological formation, unya ang mga tawo ra pud ang moguba,” matud ni Bise Gobernador Agnes Magpale kinsa moay chairman sa joint committee nga modumala sa Osmeña Peak.

Atol sa labing unang tigom sa komitiba nasabotan nga maggama og operating o monitoring unit nga maoy motan-aw sa maong tourist destination kada adlaw.

“Naa mi gi-create nga mo-oversee sa day to day operation didto. Kanang murag monitoring unit or operating unit both sides ang Badian and Dalaguete members. Pananglitan kinsa mo-collect sa plastic, ug naay mahulog nga mag-selfie kinsa man ang mo- rescue, ” matud ni Magpale.

Idili na usab sa komitiba ang pagpaninda sa maong peak kon diin ang Department of Environment and Natural Resources (DENR) maoy mo issue og permit alang sa mga maninda.

“Among giingnan ang DENR nga inyo ng cargo nga to demolish the structures, naa nay mga tindahan. We will allow that pero sa proper place dili sa mountain area,” matud sa bise gobernador.

Mopatuman usab sila og carrying capacity aron pag-limit sa mga turista nga moadto paglikay nga madali ang pagkaguba sa agianan padung sa tumoy. (BANAT NEWS)