Drug-cleared barangays bag-o ang kapitan
CEBU, Philippines – Sobra sa katunga sa mga napiling kapitan sa 185 ka barangay nga unang nadeklarar og drug-cleared sa Probinsiya sa Sugbo mga bag-o.
Nunot niini, matud sa pangulo sa Cebu Provincial Anti-Drug Abuse Office, Carmen Remedios Durano-Meca, nga mopahigayon sila og assessment ug training sa mga opisyal ilabi na sa mga bag-ong napili sa niaging eleksyon.
Sumala pa ni Meca nga importante nga masayud ang mga bag-ong opisyal sa mga responsibilidad lakip na sa mga angay nga himoon ilabi na sa ilang mga programa batok sa ilegal nga drugas.
Samtang, ang CPADAO nipahigayon sab og random drug test sa mga personnel sa Bureau of Jail Management and Penology sa Dakbayan sa Carcar ingon man sa Bantayan.
Sa 22 ka personnel sa BJMP-Carcar ug 14 sa Bantayan nga gi-screen sa CPADAO niadtong Mayo 25 ug Mayo 30, negatibo ang resulta sa drug test. (/GMR)(BANAT NEWS)
- Latest
