Bong Go wa pay plano mag-senador
CEBU, Philippines – Dili pa andam si Christopher “Bong” Go, Special Assistant to the President, nga mag-senador.
Matud ni Go nga dili pa niya prayoridad ang paglansar sa eleksiyon sa 2019 kay buot pa niyang serbisyohan si Presidente Rodrigo Duterte ingon man nga wala pa sab kini niya gipangandaman.
“I’m not ready to run as a senator, I have a lot of works to President Duterte,” matud ni Go.
Kagahapon nidagsa ang mga supporters ni Go nga nagdala og posters nga nag-awhag kaniya nga padaganon gyud sa pagka-senador.
Alang kang Go sayo pa kaayo alang niya nga modesider kabahin sa maong butang.
Dugang pa niya nga dili gyud malikayan nga naa siya’y mga supporters labi na kay Bisaya siya.
Sumala pa ni Go nga daghan pa kaayo siya og trabaho nga buhaton kang Presidente Duterte.
Sumala pa niya nga kung dunay ambisyon sa paglansar kinahanglan gyud kining planohon. (SWU Phinma Intern/GMR)(BANAT NEWS)
- Latest
