Protesta malinawon

CEBU, Philippines - Malinawon ang protest rally nga gihimo sa grupo sa Piston Cebu, kagahapon sa buntag alang sa panawagan nila nga pagbasura sa  transportation modernization program sa LTFRB nga naglakip sa pag-phase out sa mga jeep de pasaheroan nga lapas na og kinse ka tuig nagdagan.

Matud pa ni Greg Perez, coordinator sa PISTON Cebu, ,ang lihok protesta dili parehas niadtong bulan sa Pebrero nga duna gyuy naparalisar nga mga lugar tungod sa ilang transport strike, nasayran nga kapin 20 ra ug di 100 ang nanguyog.

Matud pa ni Perez nga ilaha usab gisupak ang pagpasar sa House Bill 4334 o Traffic Crisis Bill nga gipangamahanan nila House Speaker Pantaleon D. Alvarez, Majority Leader Rodolfo C. Fariñas ug  transportation committee chairman Rep. Cesar V. Sarmiento (Lone District, Catanduanes).

Ang maong proposed bill naghatag og emergency powers ni Presidente Rodrigo Duterte aron sa pagsulbad sa trapiko sa Metropolitan Manila Area, Metropolitan Cebu, ug Metropolitan Davao.” Rowena Capistrano ug Mitchelle L. Palaubsanon (BANAT NEWS)