Palma nag-ampo kamatuoran sa DDS mogawas

CEBU, Philippines - Malaumon si Cebu Archbishop Jose Palma nga mogawas ang kamatuoran sa Senate hearing may kalabutan sa Davao Death Squad human sa pag-angkon ni Senior Police Officer 3 Arthur Lascañas.

“As part of listening public, daghan statement, sometimes conflicting statement, lisud siya i-discern asay kamatuoran,” matud ni Palma.

Sumala pa ni Palma nga tungod sa daghang nangguwa nga lain-lain bersiyon gikan kang Lascañas hinungdan nga awhag na lang niya sa katawhan nga kanunay magmaampoon ug matinud-anon bisan ang uban dili.

Panghinaut ni Palma nga ang pagkamaampoon ug pagkamatinud-anon sa mga giimbistigaran mopatigbabaw bisan og unsay resulta niini tungod kay hangtud karon padayon nag-usab-usab ang estorya. (BANAT NEWS)