Magtiayong pusher sikop, usa nakasibat
CEBU, Philippines – Nasikop sa kapolisan ang managtiayon nga nahilambigit sa ilegal nga drugas sa Sitio Pool, Barangay, Bankal, Dakbayan sa Lapu-Lapu sa niaging Martes sa gabii.
Matud ni Chief Inspector Mark Sucalit sa Lapu-Lapu City Police Office-City Intelligence Branch nga ang mga nadakpan sa buy-bust operation pasado alas 10 sa gabii mao si Jessa Jumao-as, 40, ug Joseph Jumao-as, 42, pulos mga residente sa Sitio Jansen, Barangay Punta Engaño.
Dugang ni Sucalit nga ang usa sa mga main subjects nga si Jojie Rosalejos Cuizon, 39, residente sa Sitio Pool, ang nakaikyas.
Nakuha sa kapolisan sa mga suspek ang 27 ka gagmay’ng putos sa gituohang shabu ug assorted nga drug paraphernalia, P600 nga gituohang halin sa ilegal nga kalihukan.
Gibana-bana nga anaa sa P13, 688 ang kantidad sa mga nasakmit nga drugas sa managtiayon.
Usa ka brown wallet ang nasakmit sab sa kapolisan nga gipanag-iya ni Joseph samtang narekober sab sa kapolisan ang P300 nga buy-bust money.
Pulos nangatanggong si Jessa ug Joseph sa LCPO-holding cell ug mag-atubang sa kaso’ng kalapasan sa Comprehensive Dangerous Drugs Act of 2002 samtang padayon ang pagpangita sa kapolisan kang Cuizon. – /GMR) (BANAT NEWS)
- Latest
