Human sa haze, tubig nameligro

CEBU, Philippines - Human nawagtang ang haze o gabon sa kawanangan sa rehiyon, nameligro na sab karon ang tubig nga dala sa ulan.

Nipahimangno ang Environmental Management Bureau-7 sa posible'ng kadaut nga mamugna sa acidic water sa panglawas sa katawhan.

Kini human nadala sa ulan ang haze o gabon nga nisagol sa kasapaan ug kadagatan.

Gikatakda’ng mopagawas og resulta sa gipahigayong ambient water quality test niini’ng semanaha ang EMB-7, matud sa tigpamaba nga si Rechale Ybanez.

Matud ni Ybanez nga bisan og luwas na ang hangin nga hanggapon karon apan dili angay mokompiyansa ilabi na kadto’ng adunay sakit sa kasing-kasing ug baga tungod sa kontaminasyon sa mga aso sa sakyanan. Giawhag usab sa EMB-7 ang pagtaud og N95 mask nga kinahanglan ka usa ra kini gamiton kay delikado kung subli nga sul-obon. (BANAT NEWS)