Igsuong kagawad sa ‘drug lord’ ireklamo

CEBU, Philippines - Mopadala og report ang buhatan sa City Intelligence Branch sa Cebu City Police Office ngadto na sa Department of Interior and Local Government batok sa usa ka kagawad sa Barangay Inayawan nga pakyas sa pagbadlong sa iyang igsuon nga gituohang drug lord nga ilang nasikop sa nakalabay nga adlaw sa Sitio Upper Torre sa naasoy nga barangay.

Matud pa ni Superintendent Romeo Santander sa mga tigbalita nga ang ilang ireklamo mao si barangay Kagawad Ricky Tibay kay wa makabadlong sa iyang igsuon. Si Santander miingon nga kung tinuod ang pamahayag ni Darwin nga usa ka tuig na kini nga miundang sa maong negosyo, posibling duna gayo’y kasayuran ang iyang magulang nga opisyal sa ilegal nga kalihokan sa igsuon tungod kay taod-taod na kining kagawad sa barangay.

“Ang iyang statement kagahapon nga one year na man na siya nga mi-undang. Okey granting nga one year, ako ‘sab nga ibalik sa iyaha pila na man ka years o pila naka ka termino as barangay councilor, one year pa man kaha, so na serve na- niya and pila ka years and then iyang igsoon mi-admit nga 2 to 3 kilos (shabu) ang iyang ma-dispose? Tapos wala g’yud siya kabadlong?” matud pa ni Santander. (BANAT NEWS)