Gikulata, gipusil sa mga estudyante
CEBU, Philippines – Nalandig sa tambalanan ang usa ka 27-anyos nga lalaki human kini gikulata ug gipusil pa sa tulo ka mga lalaki nga nag-angkasanay sa usa ka motorsiklo diha sa Nivel Hills, Lahug ning dakbayan sa Sugbo.
Ang biktima naila nga si Janno Rey Pedria, nagpuyo sa Sky View Park sa maong barangay, tulo ka mga batan-ong pulos nag-uniporme sa eskuylahan ang mihimo sa krimen.
Matud pa ni PO1 Reoful Adalin sa Homicide Section nga nahinabi sa Banat News, naglakaw ang biktima pauli sa ilang balay dihang usa ka motorsiklo ang mihunong sa iyang tungod nga sakay ang tulo ka mga batan-on ug gikulata ang biktima.
Human sa pagpangulata dali nga misibat ang mga batan-on apan mibalik ug mipusil sa biktima nga naigo sa paa niini. Dali sab nga misibat ang tulo ka mga lalaki, samtang gidala sab sa Vicente Sotto Memorial Medical Center (VSMMC).
Sigun pa ni Adalin nga posibling naalaan lang ang biktima sa mga batan-on tungod kay bag-ohay lang dunay nagkarambola sa mga batan-on sa maong lugar. – /EIM) (BANAT NEWS)
- Latest
