Polis namusil sa bar wa pa’y kaso sa Napolcom

CEBU, Philippines -  Wala’y giatubang nga kasong administratiba sa National Police Commission si Insp. Rogelio Amoroso kinsa nakapusil patay sa usa ka waiter ug nakaangol sa usa ka bouncer sa bar.

Ang regional director sa Napolcom-7 nga si Atty. Homer Cabaral miingon nga  ang ilang tutukan mao ang kasamtangang kasong giatubang ni Amoroso human sa maong insidente.

Matud ni Cabaral nga ang Philippine National Police dunay internal investigatory power ug katungod sa PNP nga imbestigahon ang ilang sakop.

Giklaro ni Cabaral nga bisan pa man ma-areglo ang kasong kriminal, dili gihapon kini makalingkawas sa kasong administratiba.

Kasong grave misconduct ang posibleng ipasaka batok kaniya nga nagdala sa silot nga pagkataktak sa serbisyo.

Misalig si Cabaral sa imbestigasyon sa kapolisan ug matud pa niya nga mga professional ang mga polis.

Si Amoroso gipasanginlan nga mipusil sa usa ka waiter ug usa ka bouncer nga miresulta sa kamatayon sa waiter ug pagkaangol sa bouncer.  (BANAT NEWS)