Lalaki, pag-umangkon nakuhaag P6.8 milyones nga shabu

CEBU, Philippines — Nasakmit sa mga operatiba sa Philippine Drug Enforcement Agency (PDEA)-7, Naval Intelligence Security Group - Central ug Lapu-Lapu City Police Office ang usa ka construction worker ug pag-umangkon niini sa ilang buy-bust operation sa Sitio Lower Matumbo, Barangay Pusok, dakbayan sa Lapu-Lapu niadtong Miyerkules sa hapon, Disyembre 25, 2024.

Ang nadakpan mao si alyas Jesson, 30 anyos, construction workers ug pag-umangkon niini nga si alyas John, 26 anyos, wala'y trabaho ug pulos nagpuyo sa naasoy nga dapit. Nakaikyas sab ang usa ka alyas Rasheed.

Nasakmit gikan sa mga suspetsado ang usa ka kilo sa gituohang shabu nga nibalor og P6.8 million, buy-bust money, smart phone ug ubang non-drug evidence.

Gipaubos sa tulo ka semana nga case build up ang suspect human makadawat og impormasyon gikan sa confidential informant.

Wala hinuoy record ang mga suspek apan mga dinagko ang madispatsar nilang drugas subay na report sa intelligence section.

Kasong kalapasan sa Section 5 ug 26, Article II sa Republic Act 9165 ang ipasaka batok sa mga suspetsado. IBM BANAT NEWS